Categories
कोरोना देश मुख्य

चलचित्रकर्मी संघद्वारा राहत बितरण

राम थापा
दमक । पुर्ब क्षेत्रमा छरिएर रहेका चलचित्र कर्मी तथा चलचित्र प्राबिधिकहरुलाइ चलचित्रकर्मी संघ प्रदेश १ ले राहात बितरण गरेको छ ।

झापाको बिर्तामोडबाट सुरु गरि दमक, ईटहरी, धरान हुँदै बिराटनगर सम्मका चलचित्रकर्मी तथा प्राविधिकलाई राहत बितरण गरिएको  संघका कोषाध्यक्ष रोहन सेनले बताउनुभयो । कोरोना संक्रमणका कारण ठप्प रहेको चलचित्र क्षेत्रका चलचित्र कर्मी तथा प्राबिधिकहरुलाई अत्याबश्याक खाद्यान्न लगायत मास्क ,सेनिटाईजर बितरण गरिएको सेनले जानकारी दिनुभयो ।

देश बिदेशमा रहनुभएका नेपाली चलचित्रलाई माया गर्ने दर्शक , शुभचिन्तक साथै  संघका पदाधिकारीहरुबाट  सहयोग संकलन गरि राहत बितरण गरिएको संघका अध्यक्ष केवल तामाङ्ले बताउनुभयो । संघले सुरु गरेको राहत बितरण कार्यक्रमलाई निरन्तरता दिदै  पुर्वका पहाडी  जिल्लाहरुमा अक्सिजन सिलिण्डर समेत बितरण गर्ने योजना बनाएको संघका अध्यक्ष तामाङ्ले जानकारी दिनुभयो ।

राहात बितरण कार्यक्रममा केवल तामाङ, रमेश तिवारी, रोहन सेन, मनिता तामाङ्ग, सुमन तामाङ्ग , किशोरकुमार सम्बाहाम्फे र केशब रायमाझी सहभागी हुनुभएको थियो ।

Categories
कोरोना देश ब्यापार मुख्य

सरकारको बजेट तयारी : वृद्धभत्ता बढाउने, स्टार्टअपलाई कर छुट लगायत यस्ता छन नयाँ योजनाहरु

काठमाडौं । प्रतिनिधिसभा विघटनको अवस्थामा सरकार बजेटको तयारीमा छ । जेठ १५ गते बजेट ल्याउनैपर्ने संवैधानिक प्रावधान रहेकाले अर्थका अधिकारीहरु धमाधम बजेट लेख्दै छन् ।

संघीय संसदका दुबै सदनहरुको संयुक्त बैठकमा राष्ट्रपतिबाट वाचन हुने नीति तथा कार्यक्रम  अध्यादेशमार्फत नै आउँदैछ । बजेट पनि अध्यादेशमार्फत नै आउने भएको छ । जेठ १५ अघि नै नीति तथा कार्यक्रम आउनुपर्ने भएपनि कुन दिन आउँछ भन्ने टुंगो छैन ।

कति आउँदैछ बजेट ?

मध्यमकालीन खर्च संरचना अनुसार आगामी आर्थिक वर्ष २०७८/०७९ को बजेटको आकार १६ खर्ब ९७ अर्ब ५७ करोड रुपैयाँ हुनेछ । यो सिलिङभित्र रहेर अधिकांश पूराना आयोजनालाई बजेट छुट्याउने तयारीमा अर्थ मन्त्रालय छ ।

कोरोना भाइरसका कारण थिलथिलो बनेको अर्थतन्त्रलाई चलायमान बनाउने गरी बजेट आउने अर्थमन्त्री विष्णु पौडेलको दाबी छ । सरकारको दीर्घकालीन सोच २१००, पन्ध्रौँ योजनाको लक्ष्य, दिगो विकासका लक्ष्य र कोरोनाले पारेको मर्कामा केन्द्रित रहेर बजेट लेख्ने काम भईरहेको छ ।वृद्धभत्ता बढ्दै

वर्तमान सरकारको चुनावी नारा ‘वृद्धभत्ता ५ हजार पुर्याउने’ भन्ने थियो । तर, लगातार ३ वट बजेट ल्याउँदा पनि वृद्धभत्ता ५ हजार पुग्न सकेको छैन । तर, यसपालीको बजेटमार्फत वृद्धभत्ता बढाएर मासिक ५ हजार रुपैयाँ पुर्याउने उद्घोष प्रधानमन्त्री केपी शर्मा ओलीले सार्वजनिक रुपमै गरिसकेका छन् ।

अनाथ बालबालिका, अपांगता भएका व्यक्तिहरु र एकल महिलाका लागि विशेष कार्यक्रम सञ्चालन पनि हुँदैछन् ।

तलब बढाउने संकेत

सर्वोच्च अदालतबाट संसद पुनःस्थापना नभएको खण्डमा आगामी कार्तिक २६ र मंसिर ३ गते निर्वाचन हुँदैछ । यस अर्थमा अब आउने बजेट चुनावी बजेट पनि हो । त्यसैले लोकप्रीय कार्यक्रम ल्याउनुपर्ने प्रेसर सरकारलाई छ ।

त्यसकारण निजामति कर्मचारी र सुरक्षाकर्मीको तलब बढाउने तयारी सरकारको छ । स्रोतका अनुसार तल्लो तहका कर्मचारीको तलब १५ प्रतिशतसम्म बढ्नेछ । तर, यस विषय भने आधिकारिक रुपमा बाहिर आएको छैन ।

स्टार्टअपलाई कर छुट र खानी उत्खनन्

‘स्टार्टअप बिजनेस’ लाई कर छुटको माग उद्योग वाणिज्य महासंघले गर्दै आएको छ । सोही अनुसार आगम िवर्षको बजेटमार्फत स्टार्टअप बिजनेसलाई ५ वर्षको कर छुट दिन लागिएको छ ।

नेपालमा विभिन्न धातुहरुको खानी भएको अनुमान गरिँदै आएको छ । कतिपय समयमा भएका अध्ययनहरुले धातुहरु भएको देखाएको पनि छ । तर, अन्वेषण र उत्खनन् हुन सकेको छैन ।

तर, आगामी आर्थिक वर्षमा तामा, सुन, युरेनियम र फलाम खानीको अन्वेषण गर्ने कार्यक्रम आउँदैछन् । तामा, सुन र युरेनियमको खानीको अन्वेषण गर्ने र फलाम खानी भने उत्खनन् नै गर्ने योजनामा सरकार रहेकाले सोही अनुसार बजेट आउने दाबी गरिएको छ ।

रोजगारीमा नयाँ कार्यक्रमको घोषणा हुँदै

प्रधानमन्त्री रोजगार कार्यक्रम खासै फलदायी नभएको निष्कर्षमा प्रधानमन्त्री स्वयम् पुगेका छन् । निर्माण क्षेत्रले भन्दा कृषि क्षेत्रले बढी र छिटो रोजगारी सिर्जना गर्ने भएकाले आगामी आर्थिक वर्षको बजेटमार्फत ‘प्रधानमन्त्री जडीबुटी तथा कृषि वन रोजगार कार्यक्रम’को घोषणा हुँदैछ ।

निश्चित समय र ज्याला तोकेर कृषि र जडिबुटीबाट वर्षमा कम्तीमा १ लाखलाई रोजगारी दिने लक्ष्य लिईएको छ । नयाँ कार्यक्रम घोषणा भएपछि प्रधानमन्त्री रोजगार कार्यक्रम खारेज नभई त्यसैलाई परिमार्जन गरेर चलाउने तयारी छ ।

मल कारखाना खोल्ने घोषणा हुँदै

सरकारले वर्षेनी ब्यहोर्नु परेको रासायनिक मलको अभाव पुर्ति गर्न नेपालमै मल कारखाना स्थापना गर्ने भएको छ ।

प्राकृतिक ग्यास प्रविधिमा आधारित मल कारखाना स्थापना गर्न १ खर्ब ३ अर्ब रुपैयाँ सुरुमा लागत लाग्ने र वाटर इलेक्ट्रोसिस प्रविधिमा आधारित रासायनिक मल कारखाना स्थापना गर्न सुरुमा १ खर्ब ८९ अर्ब रुपैयाँ लाग्ने अध्ययनले देखाएको छ  ।

यी बाहेक स्वास्थ्य र शिक्षामा हरेक स्थानीय तहमार्फत बजेट विनियोजन गरेर स्तरीय शिक्षा र स्वास्थ्य उपचारको प्रवन्ध गर्ने कार्यक्रम पनि प्राथमिकतामा राखिएको छ ।

किसानलाई सहुलियतमा ऋण, कृषि उपजको बजारीकरण, निर्यात गर्ने उद्योगी व्यवसायीलाई कर छुट जस्ता लोकप्रीय कार्यक्रम यसपाली बजेटमार्फत समेटिने देखिएको छ ।बिजमाण्डुडटकमबाट

Categories
कोरोना देश मुख्य

गौरादहको बिहेघरमा फैलिएको संक्रमणले बेहुला र आमाको मृत्यु : नव दुलही सहित अन्यको उपचार हुदैँ

गौरादह / झापाको गौरादह–४ को एक बिहेघरमा कोरोना सङ्क्रमण देखिँदा बेहुला र बेहुलाकी आमाको मृत्यु भएको छ । सङ्क्रमणबाट गौरादह–४ का ३० वर्षीय बेहुला सन्तोष ताजपुरिया र उहाँकी आमाको मृत्यु भएको नगर स्वास्थ्य शाखाले जनाएको छ ।

स्वास्थ्य शाखाका गोविन्द श्रेष्ठका अनुसार सङ्क्रमित सन्तोषको विराटनगरस्थित कोशी कोभिड अस्पतालमा उपचारका क्रममा मृत्यु भएको हो । गत वैशाख २४ गतेदेखि उहाँ त्यस अस्पतालमा उपचारत हुनुहुन्थ्यो ।

यसअघि आमा शान्तिदेवी ताजपुरियाको गत वैशाख २३ गते उपचारका क्रममा मृत्यु भएको थियोे । वैशाख १५ गतेतिर सन्तोषको विवाह भएको थियो । विवाह भएको केही दिनमै बेहुला सन्तोष, उहाँकी नवदुलही, आमासहित पाँच जनाको पूरै परिवारलाई सङ्क्रमण देखिएको थियो ।

त्यस्तै सन्तोषकी श्रीमतीको समेत कोशी कोभिड अस्पतालमा उपचार भइरहेको गौरादह नगरपालिकाका प्रवक्ता नगेन्द्र भण्डारीले बताउनुभयो । बिहे कार्यमा असवाधानी हुँदा सङ्क्रमण सरेको हुनसक्ने उहाँले बताउनुभयो । योसँगै गौरादहमा नयाँ भेरियन्टबाट मृत्यु हुनेको सङ्ख्या पाँच जना पुगेको छ । रेडियाे भिजन डटकमबाट

Categories
कोरोना देश मुख्य राजनीति

मध्यराति मन्त्रिपरिषदले गर्यो प्रतिनिधिसभा बिघटनको सिफारिश: कात्तिक २६ र मंसिर ३ गते निर्वाचन

काठमाडौं । मन्त्रिपरिषद बैठकले प्रतिनिधिसभा बिघटनको सिफारिश गरेको छ । प्रधानमन्त्री निवास बालुवाटारमा भर्खरै सम्पन्न मन्त्रिपरिषदको आकस्मिक बैठकले बैकल्पिक सरकार गठनमा संसद असफल भएको भन्दै राष्ट्रपति समक्ष बिघटनको सिफारिश गर्ने निर्णय गरेको हो ।

राष्ट्रपति बिद्यादेवी भण्डारीले संबिधानको धारा ७६ को उपधारा ५ बमोजिम सरकार गठनका लागि दिनुभएको समयमा परेका दुवै दावी खारेज गर्नुभएपछि प्रधानमन्त्री अ‍ोलीले मन्त्रिपरिषदको आकस्मिक बैठक बोलाउनु भएको थियो । बैठकले प्रतिनिधिसभा बिघटनको सिफारिश गरेको हो ।

गत २०७७ पुस ५ गते बिघटित प्रतिनिधिसभालाई सर्वोच्च अदालतले फागुन ११ गते पुनःस्थापना गरेको थियो । सरकार गठनको बिकल्प हुँदाहुँदै बिघटन गर्न नपाइने भन्दै सर्वोच्चले पुनःस्थापना गरेपछि पनि संसदले बैकल्पिक सरकार दिन सकेको थिएन । यही कारण प्रधानमन्त्री ओलीले पुनः प्रतिनिधिसभा बिघटन गरी आगामी कात्तिक २६ र मंसिर ३ गते दुई चरणमा निर्वाचनको मिति तोक्न राष्ट्रपति समक्ष सिफारिश गर्नुभएको हो ।

Categories
कोरोना देश मुख्य

मास्क नलगाउनेलाई जरिवाना नलिनु, सडकमा नउभ्याउनु : सर्वाेच्च अदालत

झापा / सर्वोच्च अदालतले मास्क नलगाउने नागरिकलाई जरिवाना नगर्न र होल्डिङ सेन्टरमा नराख्न सरकारका नाममा अन्तरिम आदेश जारी गरेको छ । हाल मास्क नलगाई हिँडेमा प्रहरीले जरिवाना लिने र होल्डिङ सेन्टरमा राख्ने गरेको छ ।

न्यायाधीश दीपककुमार कार्कीको इजलासले मास्क नलगाउनेसँग जरिवाना लिने उनीहरुलाई होल्डिङ सेन्टरमा राख्ने अधिकार नेपाल प्रहरीसँग नरहेको भन्दै अन्तरिम आदेश दिएको हो ।

‘यस्ता कार्यहरु नेपालको संविधान तथा संक्रामक रोग ऐन २०२० को दफा ४ को व्यवस्था प्रतिकुल नेपाल प्रहरीले अनधिकृत रुपमा प्रयोग गरेको देखिँदा प्रस्तुत रिटको टुंगो नलाग्दासम्म मास्क नलगाउने नागरिकलाई जरिवाना गर्ने र होल्डिङ सेन्टरमा राख्ने कार्यहरु तत्काल नगर्नू, नगराउनू’ आदेशमा भनिएको छ ।

कोरोना महामारीमा मास्क लगाउनुपर्ने नागरिकको दायित्व भए पनि विपन्न नागरिकलाई मास्कको सहज आपूर्ति र वितरण नभएको सर्वोच्चले उल्लेख गरेको छ ।

सरकारले आधारभूत स्वास्थ्य सेवा निशुल्क भने पनि निशुल्क पाउने औषधिको सूचीमा मास्क र सेनिटाइजर समेत राख्नु पर्ने लगायतको माग गर्दै अधिवक्ता सागर पौड्याल समेतले सर्वोच्चमा रिट दिनुभएको थियो ।

Categories
कोरोना देश मुख्य

बिर्तामाेडकाे मुखिया परिवारद्वारा अक्सिजन बैंकका लागि ७५ हजार सहयोग

झापा । अक्सिजन सिलिन्डर बैंक स्थापना गर्न एकका लागि एक अभियानले सुरु गरको ‘एक व्यक्ति एक सिलिन्डर’ सहयोग अभियानअन्तर्गत बिर्तामोडको मुखिया परिवारले ७५ हजार रुपैयाँ प्रदान गरेको छ ।

एक कार्यक्रमका बीच नेपाल पत्रकार महासंघ झापाका सदस्य तथा कान्तिपुर टिभीका सम्वाददाता गणेशमान मुखिया र महासंघ झापाका निवर्तमान सहसचिव तथा नेपाल टेलिभिजनका सम्वाददाता इन्द्रजीत मुखियाले सो रकम प्रदान गरेका हुन् ।

गणेशमान पहिलो लहरको कोरोना कहरमा संक्रमित भएका थिए । संक्रमित हुँदा आफूले जस्तै अरुले पीडा भोग्नु नपरोस् भनेर अक्सिजन सिलिन्डरका लागि रकम सहयोग गरेको उनले बताए ।

त्यस्तै, इन्द्रजीतले पत्नी अनिता, छोरा अदिप र छोरी इश्माका तर्फबाट एक थान सिलिन्डरबापत १५ हजार रुपैयाँ प्रदान गरेका छन् । मुखियाका नातेदार सुमित्रा मुखिया, मेरिना मुखिया र सञ्जीव मुखियाले समेत एक/एक थान सिलिन्डरको रकम प्रदान गरेका छन् ।

झापामा पनि अक्सिजन सिलिन्डर अभाव हुने संकेत हुँदै गएपछि कोरोना संक्रमितको उपचारमा सहयोग गर्न अभियानले अक्सिजन बैंक स्थापना गरेको हो । अभियानका परिकल्पनाकार तथा संयोजक महेन्द्रकुमार गिरीका अनुसार तत्कालाई पहिलो चरणमा चार सय थान अक्सिजन सिलिन्डरको खरिद प्रक्रिया अघि बढाइएको छ ।

अभियानले चीनबाट सिलिन्डर ल्याउन प्रक्रिया अघि बढाएको हो । ४८ लिटर क्षमताका ती सिलिन्डर एअर कार्गोमार्फत काठमाडौँ हुँदै झापा ल्याइने संयोजक गिरीले बताए । ४०० थान सिलिन्डरका लागि ढुवानीसहित लागभग ६० लाख रुपैयाँ लाग्ने बताइएको छ ।

Categories
कोरोना देश मुख्य

कोरोना संक्रमणबाट प्रेस चौतारी नेपालका केन्द्रीय सदस्य कार्कीको निधन

काठमाडौं। प्रेस चौतारी नेपालका केन्द्रीय सदस्य शान्तीराम कार्कीको कोरोना संक्रमणबाट निधन भएको छ ।
काठमाडौंको मनमोहन अस्पतालमा विगत १० दिन देखि उपचार गराइरहेका कार्कीको गए राती मृत्यू भएको हो ।
झापा गौरादह नगरपालिका वडा नं ४ घर भएका ३५ बर्षीय कार्की अनलाइन न्यूज पोर्टल जनता टाइम्स डट कमका सम्पादक हुनुहुन्थ्यो ।

Categories
कोरोना देश मुख्य स्वास्थ/ शिक्षा

देश भरका सहरी क्षेत्रका बिद्यालय बन्द गर्ने निर्णय : झापामा यी सहरहरुका बिद्यालय बन्द हुँदै

झापा । कोरोन भाइरसको संक्रमण बढ्ने क्रम तिब्र भएसंगै सरकारले देशभरका सहरी क्षेत्रका बिद्यालय बैशाख भरि बन्द गर्ने निर्णय गरेको छ ।
आज बसेको मन्त्री परिषदको बैठकले झापाको काकरभिट्टा, बिर्तामोड र दमकका बिद्यालयहरु पनि बैशाख भरि बन्द गर्ने निर्णय गरेको हो ।

मन्त्रिपरिषद् बैठकले जनस्वास्थ्यका मापदण्ड लागू गराउन सम्भव नहुने तथा भीडभाड हुने क्षेत्रलाई बन्द गर्दै पठनपाठनलाई अनलाइन माध्यममा लैजाने निर्णय गरेको छ ।

सरकारले झापाका काँकडभिट्टा, बिर्तामोड, दमक सहित ललितपुर, भक्तपुर, बनेपा, धुलिखेल, भरतपुर, बिराटनगर, इटहरी, धरान, बीरगंज, जनकपुर, राजविराज, हेटौंडा, भैरहवा, पोखरा, बुटवल, घोराही, तुलसीपुुर, नेपालगंज, धनगढी, भीमदत्त नगरजस्ता सहर र सदरमुकाममा भौतिकरुपमा उपस्थित नभई शैक्षिक गतिविधि २०७८ बैशाख मसान्तसम्म भर्चुअल रुपमा संचालन गर्ने निर्णय गरेको छ ।

बैशाख मसान्तसम्म भर्चुअल वा वैकल्पिक शिक्षण सिकाइका विधिहरु अपनाइ संचालन गर्ने, मेडिकल शिक्षाको प्रयोगात्मक कक्षा र पूर्वनिर्धारित परिक्षा जनस्वास्थ्यका मापदण्ड अपनाइ संचालन गर्ने निर्णय गरिएको शिक्षामन्त्री कृष्णगोपाल श्रेष्ठले सञ्चारकर्मीलाई जनाकारी दिनु भयो ।

देशका प्रमुख सहरका कोरोनाको नयाँ भेरिएन्ट भेटिएको र विद्यालय जाने उमेर समूहमा संक्रमण बढ्दै गइरहेकाले यस्तो निर्णय गरिएको मन्त्री श्रेष्ठले बताउनु भयो । एसईई परीक्षाबारे भने मन्त्रिपरिषद्ले कुनै निर्णय गरेको छैन ।

Categories
कोरोना देश मुख्य स्वास्थ/ शिक्षा

कोरोना संक्रमण : एकमुष्ट शिक्षण संस्था बन्द नगर्ने सरकारको नीति

काठमाडौं। कोरोनाको दोस्रो लहर सुरु भएसँगै संक्रमणको दर पुन बढ्न थालेको छ। छिमेकी मुलुक भारतको संक्रमितको संख्या बढेसँगै त्यसको प्रभाव नेपालमा पनि देखिएन थालेको हो।

खुला सीमा र भारतले सिमावर्ती सहरमा लकडाउन नगर्ने नीति लिएपछि त्यसको प्रभाव नेपालमा देखिएको हो। विशेष गरी काठमाडौंका कतिपय शिक्षण संस्थामा विद्यार्थी संक्रमित हुन थाले सीसीएमसीले तीन साताका लागि शिक्षण सस्था बन्द गर्न सिफारिस गरेको छ।

तर सरकारले भने एकमुष्ट रुपमा शिक्षण संस्था बन्द नगर्ने नीति लिएको छ। ‘अहिले एकमुष्ट रुपमा शिक्षण संस्था बन्द गर्ने सरकारको नीति छैन,’ भूमि व्यवस्था मन्त्री डा. शिवामाया तुम्बाहाम्फेले भनिन्, ‘प्रभावित क्षेत्र हेरेर शिक्षण संस्था बन्द गर्ने वा खुलाउने भन्ने तय हुन्छ।’

यद्यपी काठमाडौं उपत्यकाको हकमा भने एकमुष्ट निर्णण हुने सक्ने स्रोतले जनाएको छ। जनघनत्व र सक्रमण दरको अवस्था बुझेर काठमाडौंको हकमा निर्णय हुन सक्ने बताइएको छ।

सीसीएमसीले तीन हप्ताका लागि शिक्षण संस्था बन्द गर्न सिफारिस गरेपनि सरकारले त्यो विषयमा कुनै निर्णय गरेको छैन। संभावतः अब बस्ने मन्त्रिपरिषद बैठकले शिक्षण संस्था बन्द गर्ने वा नगर्ने भन्ने विषयमा निर्णय लिने छ।

विद्यालय जाने उमेर समूहका विद्यार्थीमा कोरोना संक्रमण देखिएपछि विद्यालय बन्द गर्न सीसीएमसीले सरकारलाई सुझाव दिएको थियो। अनलाइनबाट पनि अध्यापन गराउन सकिने भन्दै सीसीएमसीले तत्काल विद्यालय बन्द गर्न सुझाव दिएपछि प्याब्सनले भने विरोध जनाएको छ।

काठमाडौं विश्वविद्यालयले पनि विद्यार्थीमा कोरोना संक्रमण पुष्छि भएपछि अनलाइनमार्फत कक्षा संचालन गरेको छ। पछिल्लो समय कोरोना संक्रमितको संख्या बढ्न थालेपछि सरकारले सचेतना अपनाउन आग्रह गरेको छ।

रतमा पछिल्ला दिनमा दैनिक एक लाख ५० हजारभन्दा बढी सङ्क्रमित हुँदा एक हजारको हाराहारीमा मृत्यु भइरहेको छ। नेपालमा पनि सङ्क्रमितको सङ्ख्या ह्वात्तै बढ्नुले खतराको सङ्केत गरेको चिकित्सकहरूको भनाइ छ।

नेपालमा पछिल्ला दिनमा सङ्क्रमण सङ्ख्या विस्तारै उकालो लाग्दै गएको छ। दैनिक सङ्क्रमण मात्रै होइनस सक्रिय सङ्क्रमित, आईसीयूमा भएका बिरामी र भेन्टिलेटरमा रहेका बिरामीको सङ्ख्या पनि बढेको छ।

स्वास्थ्य तथा जनसङ्ख्या मन्त्रालयका प्रवक्ता डा। जागेश्वर गौतमले देशभर थपिएका नयाँ सङ्क्रमितको सङ्ख्या ३६७ पुगेको जानकारी दिए। यसअघि शनिबार ३६३ जना सङ्क्रमित थपिएका थिए।डिसी नेपालबाट

Categories
कोरोना देश मुख्य स्वास्थ/ शिक्षा

कोभ्याक्सको ३ लाख ४८ हजार डोज खोप नेपाल आईपुग्यो

काठमाडौँ — कोभ्याक्स सुविधाअन्तर्गत पहिलो चरणमा आइतबार  ३ लाख ४८ हजार डोज कोरोना खोप नेपाल आइपुगेको छ । खोप लिएर आएको टर्किस एयरलाइन्सको विमान बिहान ११ बजेतिर त्रिभुवन अन्तर्राष्ट्रिय विमानस्थलमा अवतरण भएको हो ।

शनिबार युनिसेफले आयोजना गरेको कोरोना खोपसम्बन्धी अन्तरक्रियामा स्वास्थ्य तथा जनसंख्यामन्त्री हृदयेश त्रिपाठीले कोभ्याक्स सुविधाअन्तर्गतको पहिलो चरणमा आइतबार कोरोना खोप नेपाल आइपुग्ने जानकारी दिएका थिए । उक्त खोप भारतको सिरम इन्स्टिच्युटले उत्पादन गरेको कोभिसिल्ड नै हो । भारतले अनुदानमा दिएको १० लाख मात्रा कोभिसिल्ड खोप पनि अक्सफोर्ड अस्ट्राजेनेकाकै उत्पादन हो ।

सरकारले दोस्रो चरणको खोप अभियानका क्रममा आइतबारबाट ६५ वर्षमाथिका वृद्धवृद्धालाई मात्रै कोरोना भाइरसविरुद्धको खोप दिँदै छ । यसअघि ५५ वर्षमाथिका नागरिक, विद्यालयका शिक्षक, सार्वजनिक यातायातमा काम गर्ने चालक र सहचालकलाई कोरोनाविरुद्धको खोप लगाउने घोषणा गरिएको थियो ।

५५ वर्षमाथिका सबैलाई खोप नपुग्ने भएकाले अहिले ६५ वर्षमाथिकालाई मात्रै लगाउने निर्णय भएको स्वास्थ्य सेवा विभागको खोप शाखा प्रमुख डा। झलक गौतमले बताए ।

मन्त्रालयले दोस्रो प्राथमिकताको दोस्रो चरणमा ५५ वर्षमाथिका व्यक्तिहरूलाई खोप उपलब्धताका आधारमा क्रमशः खोप दिने व्यवस्था मिलाउने जनाएको छ । हिमाली जिल्लामा भने ५५ वर्षमाथिका सबैलाई खोप लगाउन सकिने मन्त्रालयले निर्णय गरेको छ । ई कान्तिपुर